Сход і таварыская імпрэза Нью Ёрскага аддзелу БАЗА адбудзецца ў нядзелю, 8 жніўня,у месцы адпачынку і барбэкю ў Форэст Парку, Кўынз. У  нязмушанай атмасфэры, з мінімальнай афіцыйнай часткай, імпрэза будзе скіраваная на пашырэньне і ўзмацненьне знаёмстваў сярод сяброў і гасьцей аддзелу БАЗА, адкрытае абмеркаваньне шляхоў і мэтадаў далейшай працы.

Месца адпачынку абсталяванае стойкамі для барбэкю і сталамі. Раім прыхапіць з сабой ежу, напоі і адпаведнае  начыньне для пікніку. Для машынаў ёсьць бясплатны паркінг.

Пачатак імпрэзы а 10:00 раніцы.

Месца правядзеньня сходу: Forest Park Barbecuing Area, at Forest Park Drive & Woodhaven Boulevard.

Даезд да месца сходу: Машынай па Woodhaven Boulevard на поўнач ад скрыжаваньня з Jamaica Avenue, і да скрыжаваньня з Forest Park Drive. Павярнуць з Woodhaven Boulevard на захад (улева) на Forest Park Drive, праехаць у зялёную зону з вялікім паркінгам (за каруселяй). Месца імпрэзы будзе з беларускім сьцягам.

Грамадскім транспартам: Ехаць цягіком падземкі J да станцыі Woodhaven Boulevard (на скрыжаваньні з Jamaica Avenue), затым праехаць на поўнач ад Jamaica Avenue па Woodhaven Boulevard на аўтобусах № 11 або № 21 (Q11 & Q21) да Forest Park Drive.

Можна проста прайсьці ўверх ад станцыі "Woodhaven Boulevard" (на поўнач) па Woodhaven Boulevard паўзь 6 блёкаў і кавалак парку да Forest Park Drive, павярнуць туды налева (на захад), прайсьці да месца адпачынку (за каруселяй).

Беларуска-Амэрыканскае Задзіночаньне  запрашае ўсіх беларусаў на традыцыйную

29-ю Сустрэчу Беларусаў Паўночнай Амэрыкі,

якая адбудзецца 4-6 верасьня 2010 году

ў горадзе Нью Брансвіку, штат Нью Джэрзі.

Традыцыя Сустрэчаў бярэ свой пачатак ад 1952 году, калі беларусы з ЗША і Канады  сабраліся ў г. Ніягара-Фолз, каб абмеркаваць пытаньні каардынацыі дзейнасьці ў справах грамадскіх, палітычных і сацыяльных, і таксама добра правесьці час--наведаць канцэрты, танцы, забавы. Ад таго часу штодва гады беларусы Паўночнай Амэрыкі зьбіраюцца на свае Сустрэчы.

У праграме 29-й Сустрэчы:

4 верасьня— Канфэрэнцыя “Роля эміграцыі ў змаганьні за вольную Беларусь”.

Асобная ўвага—удзел беларусаў Амэрыкі у сёнешнім змаганьні.

Апаўдні—буфэт (Garden State Ballroom).

Адзначэньне 100-годдзя Ларысы Геніюш. Літаратурна-музычная праграма.

Баль Сустрэчы (Regency Ballroom)- забава, танцы. 8:00 вечара.

Квіткі па замове: $55 дарослым, $45 студэнтам

Квіткі пры дзьвярах: $65 дарослым, $55 студэнтам.

5 верасьня—А 10:00 раніцы адбудзецца Сьвятое Набажэнства

ў Царкве Сьв. Божае Маці Жыровіцкае,

Беларускай Аўтакефальнай Праваслаўнай Царквы,

па адрасе: 9 River Road, Highland Park, New Jersey 08904.

Банкет і канцэрт Сустрэчы,- пачатак а 1-й гадзіне папаўдні.

(Regency Ballroom)

Выступы музыкаў, фальклорных выканаўцаў, мастацкія выставы.

Квіткі па замове: $55 дарослым, $45студэнтам

Квіткі пры дзьвярах: $65 дарослым, $55 студэнтам

6 верасьня—Ад’езд удзельнікаў Сустрэчы.

Месца правядзеньня Сустрэчы: Гатэль Гаят, Hyatt Regency, 2 Albany Street, New Brunswick, NJ 08901.

Даезд з Нью Ёрку да Нью Брасвіку і гатэлю Гаят: аўтобус з аўтастанцыі NY-NJ Port Authority Bus Terminal на 8 Эвэню і 41-й вуліцы (адрас станцыі: 8 41ST Ave, New York, NY 10001, т. 212-564-8484‎) да горада New Brunswick, прыпынак Hyatt Regency/ 2 Albany Street. Час у дарозе: 50 хвілінаў.

ЗАМОВЫ ДАСЫЛАЙЦЕ ДА 22 ЖНІЎНЯ  2010 г.

Чэкі выпісваць на: Belarusan American Association;

Замовы і чэкі высылаць на адрас:

Mr. I. Grishkevich

262 White Birch Rd.

Edison, NJ 08837

U.S.A.

Замаўленьне месцаў па зьніжаных коштах, калі трэба заначаваць, у гатэлі Гаят: па тэлефоне 732-873-1234, або факсе 732-873-1382, або на сеціўным сайце гатэлю: http://newbrunswick.hyatt.com/hyatt/hotels/index.jsp

Hotel rooms at the Hyatt will be available at a discounted rate of $105 per night if reserved by August 13th. After that date, they will be available at the regular rate of $135.

Кантактныя тэлефоны : Юрка Азарка, 732-560-8610, Віталь Зайка, 718-296-1458.

У нядзелю, 18 ліпеня, традыцыйным Маршам пачынаецца Тыдзень Паняволеных Народаў, які быў зацьверджаны Кангрэсам ЗША праз Грамадскі закон 86-90 яшчэ ў 1959 годзе як выказ пратэсту народаў сьвету супраць камуністычнай і таталітарнай тыраніі. У імпрэзах Тыдня, і ў Маршы Паняволеных Народаў традыцыйна бярэ ўдзел беларуская грамада Нью Ёрку і Амэрыкі.

9:00 раніцы—Збор удзельнікаў Маршу на Пятай Эвэню пры 59-й вуліцы (ля

фантану Гатэлю Плаза). Save

10:00 раніцы-Імша за Паняволеныя Народы ў Катэдры Сьв. Патрыка на 5-й Эвэ і

50-й вул.

11:00 Марш Паняволеных Народаў па Пятай Эвэ да 72-й вул.

12:00 Афіцыйнае адкрыцьцё Тыдню Паняволеных Народаў (Сэнтрал Парк).

Пасьля Маршу, а 2:00 у Сэнтрал Парку ля помніка Ягайлу (79 вул., каля Чарапашай сажалкі—Turtle Pond) адбудзецца сход Нью Ёрскага аддзелу БАЗА.